Պուտինն ու Թրամփը մեր դեմ են․ Մակրոնի հնչեղ հայտարարությունները

Sat, 25 Apr 2026 11:00:32 +0400

ԱՄՆ-ն այլևս այն հուսալի դաշնակիցը չէ, ինչ նախկինում, հայտարարել է Ֆրանսիայի նախագահ Էմանուել Մակրոնը հունական Kathimerini հրատարակության կողմից Աթենքում կազմակերպված քննարկման ժամանակ։

«Բոլորը տեսնում են, որ թիվ մեկ գերտերությունը՝ ԱՄՆ-ն, կարող է որոշ երկրների դաշնակից լինել, բայց այդ դաշնակիցն այլևս այդքան էլ հուսալի չէ», – ասել է Ֆրանսիայի առաջնորդը։

Մակրոնի խոսքով՝ ոչ մի երկիր չի կարող լիովին Վաշինգտոնին համարել «դաշնակից, որի վրա կարող է հույս դնել»։

Ֆրանսիայի նախագահը նշել է, որ Եվրոպան «եզակի պահ է ապրում», երբ ԱՄՆ-ի, Ռուսաստանի և Չինաստանի առաջնորդները միավորվել են եվրոպական շահերի դեմ։ Նրա պնդմամբ, «Ամերիկան ​​առաջինը» քաղաքականությունը Դոնալդ Թրամփի անձնական գիծը չէ, այլ ԱՄՆ երկարաժամկետ ռազմավարություն. «Մենք պետք է սթափ նայենք ԱՄՆ ռազմավարությանը… Խոսքը միայն Թրամփի բնավորության կամ վարքագծի մասին չէ։ ԱՄՆ-ն, կասեի, արդեն 15 տարի է՝ որոշել է, որ գլխավոր խնդիրը Ամերիկան ​​է։ Երկրորդը՝ Չինաստանը։ Նրանց ռազմավարությունները պարզապես եվրոպական շահերը չեն դնում կենտրոնում»։

Նրա խոսքով՝ Պեկինը «սպանում է եվրոպական արդյունաբերության մեծ մասը, և մենք ակնհայտորեն չափազանց դանդաղում ենք դա գիտակցելու համար։ Նայեք ավտոարդյունաբերությանը և հաստոցաշինությանը։ Անցյալ տարի նրանք Գերմանիայում ոչնչացրին 250,000 աշխատատեղ»։

Մակրոնը կոչ է արել Եվրոպային գործել. «Մի թերագնահատեք, որ սա եզակի պահ է, երբ ԱՄՆ նախագահը, Ռուսաստանի նախագահը և [Չինաստանի նախագահը] բոլորը հանդես են գալիս ընդդդեմ եվրոպացիների։ Սա մեզ համար արթնանալու ճիշտ պահն է»։