Խաղաղ բնակիչներ են զոհվել

Tue, 28 Apr 2026 11:30:57 +0400

Բելգորոդի մարզի վրա ուկրաինական ԱԹՍ–ների հարձակման հետևանքով 3 խաղաղ բնակիչ է մահացել, ևս 3-ը վնասվածքներ են ստացել։ Այս մասին հայտնել է մարզպետ Վյաչեսլավ Գլադկովը։ «Վնասվածքներ ստացած անձանցից մեկը 16-ամյա պատանի է»– գրել է Գլադկովը «Մաքս» հարթակում։

Նա մանրամասնել է`Շեբեկինոյի շրջանի Վոզնեսենովկա գյուղում տղամարդ է մահացել մարդատար մեքենային հասցված հարվածից։
Ռակիտնոյեի շրջանի Բոբրավա գյուղում ավտոմեքենային հասցված հարվածի հետևանքով տղամարդ ու կին են մահացել, նրանց որդուն հիվանդանոց են տեղափոխել։

Եվս մեկ մեքենայի հարվածել են Բորիսովկայի շրջանի Կրասիվո բնակավայրում ամուսիններ են վիրավորվել, նրանց հիվանդանոց են տեղափոխել։