Եվրոպական ավիաընկերությունները կարող են սնանկանալ․ պատճառն Իրան դեմ պատերազմն է

Wed, 29 Apr 2026 23:00:53 +0400

Եվրոպական ավիաընկերություններն արդեն սեպտեմբերին կարող են զանգվածային սնանկացման եզրին հայտնվել, եթե ինքնաթիռների վառելիքի գները չնվազեն, հայտարարել է հունգարական Wizz Air ավիաընկերության գործադիր տնօրենը, ըստ ՌԻԱ Նովոստի-ի։

Մերձավոր Արևելքում հակամարտության ֆոնին վառելիքի գները կրկնապատկվել են՝ 831 դոլարից հասնելով 1800 դոլարի մեկ տոննայի համար, նշել է հունգարական ավիափոխադրողի գործադիր տնօրենը։

Նա զգուշացրել է, որ այս գները կարող են բարձր մնալ ևս մեկուկես տարի, նույնիսկ եթե Հորմուզի նեղուցով մատակարարումները վերականգնվեն։

Ռիսկերը մեծ են նաև եվրոպական ազգային ավիաընկերությունների, այդ թվում՝ British Airways-ի և Air France-ի համար։ Այնուամենայնիվ, նույնիսկ այն ավիափոխադրողները, որոնք պատրաստ են ֆինանսական դժվարությունների, կարող են սկսել զանգվածաբար կրճատել իրենց չվերթների քանակը, նշել է Wizz Air-ի գործադիր տնօրենը։