Գևորգ Պապոյանն ադրբեջանական մամուլի «աստղն» է դարձել

Fri, 01 May 2026 18:15:57 +0400

Ադրբեջանական Haqqin.az-ը ժամեր առաջ հրապարակում է արել, որտեղ մեջբերել է Հայաստանի Էկոնոմիակայի նախարար Գևորգ Պապոյանի հայտարարությունը` հայ-ադրբեջանական հարաբերությունների մասին:

Հրապարակման վերնագիրն է. «Պապոյան. Ադրբեջանական վառելիքը օգնեց Հայաստանին»։

«ՀՀ էկոնոմիկայի նախարար Գևորգ Պապոյանը հայտարարել է, որ Ադրբեջանից վառելիքի մատակարարումները նպաստել են Հայաստանում բենզինի գների աճի զսպմանը: Նախարարն այս հայտարարությունն արել է Աշխատանքի օրվան նվիրված միջոցառման ժամանակ: Բենզինի գները աշխարհի մեծ մասում մի քանի անգամ բարձրացել են, իսկ Հայաստանում՝ մի քանի տոկոսով։ Թույլ տվեք շատ հստակ և ուղղակիորեն բացատրել, թե ինչու է դա այդպես։ Եթե ադրբեջանական բենզինն ու դիզելային վառելիքը չլինեին, մեր գները մի քանի հարյուր դրամով ավելի բարձր կլինեին, քան հիմա են։ Մենք պետք է պահպանենք որքան հնարավոր է շատ դիվերսիֆիկացիա, որպեսզի աշխարհաքաղաքական գործոնները մեզ համար պակաս նկատելի լինեն, – ասել է Պապոյանը։

Հիշեցնենք, որ տարանցիկ փոխադրումից բացի, Ադրբեջանը շարունակում է նավթամթերք արտահանել Հայաստան: Մինչ օրս Ադրբեջանը Հայաստան է արտահանել ավելի քան 8500 տոննա դիզելային վառելիք, 979 տոննա AI-92 բենզին և 2955 տոննա AI-95 բենզին», – գրել է Haqqin.az-ը։