Եպիսկոպոս դարձած նախկին անօրինական միգրանտը նշանակվել է թեմի առաջնորդ

Sat, 02 May 2026 19:30:33 +0400

Հռոմի Լեւոն 14-րդ Պապը Միացյալ Նահանգների Արեւմտյան Վիջինիա նահանգն ընդգրկող Կաթոլիկ եկեղեցու Վիլինգ-Չարլսթոնի թեմի առաջնորդ է նշանակել եպիսկոպոս Էվելիո Մենխիվար-Այալային։ Վերջինս նախկինում եղել է անօրինական միգրանտ։ Այս մասին հայտնում է Fox News-ը։ Եպիսկոպոսը պատանեկան տարիներին Սալվադորից մի քանի անգամ փորձել է անօրինական ճանապարհով մուտք գործել Միացյալ Նահանգներ։ Սակայն ամեն անգամ նրան հայտնաբերել են ու արտաքսել։ Ի վերջո, իհարկե, կարողացել է հայտնվել Միացյալ Նահանգներում՝ մեքենայի բեռնախցիկում թաքնված։ Էվելիո Մենխիվար-Այալան քննադատում է նախագահ Թրամփի վարչակազմի վարած միգրացիոն քաղաքականությունը, համարելով որ այն խնդրահարույց է մարդու իրավունքների տեսակետից։