Արհեսական բանականության համար գաղտնի փաստաթղթերը դարձել են հասանելի

Sun, 03 May 2026 12:00:41 +0400

Պենտագոնը չեղարկել է գաղտնի փաստաթղթերի հետ աշխատանքի ընթացքում արհեստական բանականության տեխնոլոգիաների նորագույն սերնդի ալգորիթմների կիրառման արգելքը։

Այս մասին հայտնում է Defence Express-ը։ Արհեստական բանականության տեխնոլոգիաների կիրառումը փաստաթղթերի հետ աշխատանքում թույլատրված է եղել Պենտագոնում, սակայն սահմանված են եղել հստակ չափանիշներ, թե որ կարգի փաստաթղթերի հանդեպ ԱԲ տեխնոլոգիաները կարող են ունենալ հասանելիություն։

Այժմ արդեն նաեւ գաղտնի համարվող փաստաթղթերի հետ աշխատանքում ԱԲ-ն կարելի է կիրառել՝ առաջադրանքներ լուծելիս։

Թույլտվություն տրամադրվել է հետեւյալ ընկերությունների ստեղծած ԱԲ տեխնոլոգիաներին՝ SpaceX, OpenAI, Google, Nvidia, Reflection, Microsoft, Amazon Web Services եւ Oracle։ Դեռ հստակեցված չէ, թե կոնկրետ ինչ աշխատանքում են նորագույն ԱԲ տեխնոլոգիաները օգնելու Պենտագոնի աշխատակիցներին։