Ադրբեջանցուն ձերբակալել են՝ անչափահաս դստերը ամուսնության ստիպելու համար

Tue, 05 May 2026 21:00:31 +0400

Ադրբեջանում տղամարդը ձերբակալվել է՝ անչափահաս դստերը ամուսնության ստիպելու համար։ Դեպքը տեղի է ունեցել այդ երկրի Շեքիի շրջանում։ Համաձայն հարուցված գործի նյութերի, դեռեւս 16 տարին չլրացած Շեքիի շրջանի բնակչուհին ծնողի նախաձեռնությամբ նշանադրվել է։

Տեղեկությունն այդ մասին փոխանցվել է տեղի ոստիկանությանը։ Հարուցվել է վարչական հանցանք կատարելու հետ կապված վարույթ։ Գործն ուղարկվել է շրջանային դատարան եւ դատական նիստի ժամանակ ծնողը՝ կոնկրետ դեպքում՝ աղջկա հայրը ճանաչվել է մեղավոր։ Նա վարչական կալանքի տակ կմնա մեկ ամիս։