Վերջնական որոշման մասին կհայտարարվի

Wed, 13 May 2026 11:52:42 +0400

Շենգավիթ վարչական շրջանում անցկացված նախընտրական քայլերթի ընթացքում քաղաքացիները ԲՀԿ առաջնորդ Գագիկ Ծառուկյանին դժգոհել են գույքահարկի բարձրացումից՝ նշելով, որ այն ծանր բեռ է դարձել հատկապես թոշակառուների և երկար տարիներ աշխատած մարդկանց համար։

Ծառուկյանը քննադատել է գույքահարկի բարձրացման որոշումը՝ այն համարելով անարդար և վերանայման կարիք ունեցող:

Հանդիպման ընթացքում Ծառուկյանը քաղաքացիներին կոչ է արել ակտիվորեն մասնակցել ընտրություններին և քվեարկել սեփական համոզմունքին համապատասխան։ Նրա խոսքով՝ մարդիկ չպետք է վախենան իրենց ընտրությունից և պետք է ազատորեն կատարեն իրենց որոշումը։

Քաղաքական գործիչը նաև անդրադարձել է նախընտրական կարգախոսին՝ նշելով, որ քաղաքացիների հետ շփումների ընթացքում տարբեր առաջարկներ է լսել։ Նա հիշեցրել է նախկինում հնչեցրած «Երաշխավորված խաղաղություն, բարգավաճ Հայաստան» կարգախոսը, սակայն հավելել է, որ այժմ քննարկվում են նաև նոր տարբերակներ, և վերջնական որոշման մասին կհայտարարվի առաջիկայում։