Վրաստանից հայեր, ադրբեջանցիներ և թուրքեր են արտաքսվել

Wed, 13 May 2026 14:00:48 +0400

Վրաստանի Ներքին գործերի նախարարության միգրացիայի դեպարտամենտը, համապատասխան գերատեսչությունների հետ համատեղ, երկրից արտաքսել է 74 օտարերկրյա քաղաքացու։

Արտաքսվածների թվում են18 երկրների, այդ թվում՝ Հայաստանի, Թուրքիայի, Հնդկաստանի, Պակիստանի, Իրանի, Ռուսաստանի, Բելառուսի, Ադրբեջանի, Տաջիկստանի և Ուզբեկստանի, ինչպես նաև Աֆրիկայի և Մերձավոր Արևելքի մի քանի երկրների քաղաքացիներ։

Նախարարությունը շեշտել է, որ բոլոր արտաքսված անձանց արգելվում է վերադառնալ Վրաստան։