Պարտադիր կրթությունը դարձնելու ենք 11-ամյա․ Արման Թաթոյանը՝ կրթական ոլորտի առաջարկների մասին

Sun, 24 May 2026 18:58:56 +0400

«Պարտադիր կրթությունը դարձնելու ենք 11-ամյա՝ լրացուցիչ 1 տարի նախատեսելով բուհ ընդունվելուն պատրաստվելու կամ մասնագիտություն ձեռք բերելու համար»,- այս մասին հայտարարել է «Միասնության թևեր» կուսակցության վարչապետի թեկնածու Արման Թաթոյանը՝ ներկայացնելով կուսակցության կրթական ոլորտի առաջարկները։

Պարտադիր կրթությունը դարձնելու ենք 11-ամյա՝ լրացուցիչ 1 տարի նախատեսելով բուհ ընդունվելուն պատրաստվելու կամ մասնագիտություն ձեռք բերելու համար։ Այս մասին հայտարարել է «Միասնության թևեր» կուսակցության վարչապետի թեկնածու Արման Թաթոյանը՝ ներկայացնելով կուսակցության կրթական ոլորտի առաջարկները։

Արման Թաթոյանը նշել է, որ «Միասնության թևեր»-ի ծրագրով դպրոցները չեն փակվելու, հատկապես սահմանամերձ համայնքներում կրթական համակարգը զարգացվելու է և ամրապնդվելու։

Նա առաջարկել է նաև դպրոցների կառավարումը փոխանցել համայնքներին, ինչպես նաև ապահովել, որ ատեստավորում չանցած որևէ ուսուցիչ չզրկվի աշխատանքից։

Կրթական ծրագրով նախատեսվում են նաև հատուկ աջակցության մեխանիզմներ գյուղական համայնքների ուսուցիչների համար՝ մինչև 0 տոկոսանոց վարկեր, մեկնարկային ֆինանսավորում, ինչպես նաև երկարաժամկետ աշխատանքի դեպքում բնակարանի, հողամասի կամ միանվագ աջակցության տրամադրում։

«Արդարությունը գալիս է, որպեսզի երիտասարդի հաջողությունը կախված լինի գիտելիքից և աշխատասիրությունից», – նշել է Արման Թաթոյանը՝ քաղաքացիներին կոչ անելով հունիսի 7-ին քվեարկել «Միասնության թևեր» կուսակցության օգտին։

Մանրամասները՝ տեսանյութում