Ողբերգական դեպք. Դեշամը լքել է ԱՄՆ-ն

Wed, 24 Jun 2026 20:45:45 +0400

Ֆրանսիայի ազգային հավաքականի գլխավոր մարզիչ Դիդիե Դեշամը ժամանակավորապես հեռացել է թիմի ճամբարից՝ աշխարհի առաջնության ընթացքում, ընտանեկան ծանր ողբերգության պատճառով։

Պատճառը նրա մոր մահն է, ինչի հետևանքով անվանի մասնագետը մեկնել է Ֆրանսիա՝ մասնակցելու հուղարկավորության արարողությանը։

Ֆրանսիայի ֆուտբոլի ֆեդերացիայի նախագահ Ֆիլիպ Դիալոն պաշտոնապես հաստատել է Դեշամի մեկնումը՝ նշելով, որ այն համաձայնեցված է և կատարվել է ընտանիքի հանգամանքները հաշվի առնելով։

Մարզչի բացակայության ընթացքում ազգային հավաքականի տեխնիկական շտաբը կշարունակի թիմի աշխատանքները՝ ապահովելով նախապատրաստական գործընթացի անխափան ընթացքը։