Եվս մեկ հզոր երկրաշարժ՝ այս անգամ Ճապոնիայում․ տուժածներ կան
Thu, 25 Jun 2026 12:00:27 +0400
Ճապոնիայի օդերևութաբանական գործակալությունը հաղորդել է, որ երկրի հյուսիս-արևելքում տեղի է ունեցել 7.2 մագնիտուդով երկրաշարժ։
Ըստ Japan Times-ի՝ վեց մարդ վիրավորվել է։
Ցնցումների էպիկենտրոնը գտնվել է Խաղաղ օվկիանոսում՝ Իվատե պրեֆեկտուրայից արևելք, 50 կիլոմետր խորության վրա։
Էպիկենտրոնում ցնցումների ուժգնության հիման վրա երկրաշարժը գնահատվել է որպես «ավերիչ»։
Սկզբում հայտարարվել էր ցունամիի մասին նախազգուշացում, սակայն մի քանի րոպե անց այն չեղարկվել է։ Բնակիչներին կոչ է արվում զգոն մնալ՝ զգուշացնելով հնարավոր հետցնցումների մասին։
Ճապոնիայի վարչապետ Սանաե Տակաիչիի գրասենյակը ստեղծել է արտակարգ իրավիճակների շտաբ՝ երկրաշարժի և դրա հետևանքների մասին տեղեկատվություն հավաքելու և վերլուծելու համար։
Տեղական էներգետիկ ընկերությունները նաև հետաքննում են, թե արդյոք երկրաշարժը արտակարգ իրավիճակներ է առաջացրել տեղական միջուկային օբյեկտներում։