Հետաքննություն են սկսել վարչապետի կնոջ դեմ

Mon, 29 Jun 2026 21:30:21 +0400

Իսպանիայի վարչապետ Պեդրո Սանչեսը հայտարարել է, որ դատարանի կողմից իր կնոջ՝ Բեգոնյա Գոմեսի հանդեպ ընտրված խափանման միջոցը ողջամտության սահմաններից դուրս է։ Այս մասին նա ասել է խորհրդարանում ունեցած ելույթի ընթացքում։

Հիշեցնենք, որ հունիսի 20-ին դատավոր Խուան Կարլոս Պեյնադոն որոշում է կայացրել սկսել հետաքննություն վարչապետ Սանչեսի կնոջ դեմ։ Որպես խափանման միջոց՝ նա որոշել է վերցնել նրա անձնագիրը եւ արգելել երկրի տարածքը լքել։ Սանչեսի կնոջը մեղադրում են գումարների վատնման, անօրինական գումարի յուրացման, շահադիտական նպատակներով կապերի օգտագործման ու կոռուպցիայի մեջ։