Ի՞նչ է այս անգամ Ադրբեջանից ուղարկվում Հայաստան

Fri, 03 Jul 2026 16:00:18 +0400

Ռուսաստանից Ադրբեջանի տարածքով դեպի Հայաստան է տեղափոխվել ևս մեկ բեռ, փոխանցում են ադրբեջանական լրատվամիջոցները։

Փոխադրումը կատարվել է այսօր և պարունակել 14 վագոն՝ բեռնված 976 տոննա ցորենով։

Նշվում է, որ առ այսօր Ռուսաստանից Հայաստան Ադրբեջանի տարածքով տեղափոխվել է ավելի քան 35,000 տոննա հացահատիկ, մոտ 8,000 տոննա պարարտանյութ, 133 տոննա ալյումին, 68 տոննա հնդկացորեն և 414 տոննա անտրացիտ։

Բացի այդ, Ադրբեջանից Հայաստան է արտահանվել ավելի քան 14,000 տոննա դիզելային վառելիք և մոտ 5,000 տոննա AI-92 և AI-95 բենզին։