Բագրատ սրբազանը դատարանում հաղթել է Անի Խաչատրյանին

Sat, 04 Jul 2026 01:20:18 +0400

Բագրատ սրբազանը դատարանում հաղթել է «Հանրապետություն» կուսակցության անդամներ Անի Խաչատրյանին և Հայկ Սահակյանին, այս մասին տեղեկանում ենք «Դատալեքսից»։ Երևանի ընդհանուր իրավասության քաղաքացիական դատարանը՝ դատավոր Արտուշ Ավագյանի նախագահությամբ, մասնակի բավարարել է Սրբազանի հայցը։

Ըստ դատարանի որոշման՝ Անի Խաչատրյանից հօգուտ Բագրատ սրբազանի կբռնագանձվի 750,000 ՀՀ դրամ, որից 300,000 ՀՀ դրամը վիրավորանքի, իսկ 450,000 ՀՀ դրամը զրպարտության համար:

Հայկ Սահակյանից հօգուտ Բագրատ սրբազանի կբռնագանձվի 750,000 ՀՀ դրամ, որից 300,000 ՀՀ դրամը վիրավորանքի, իսկ 450,000 ՀՀ դրամը զրպարտության համար։