«Հրապարակ»․ 145 հազար երեխա մանկապարտեզ չի հաճախում
Sat, 18 Jul 2026 12:45:00 +0400
ԿԳՄՍ նախարար Ժաննա Անդրեասյանին հարցում եմ արել՝ Հայաստանում նախադպրոցական կրթության մեջ ընդգրկված եւ չընդգրկված նախադպրոցական տարիքի երեխաների թվի վերաբերյալ։ Նախարարությունից հայտնել են․ «2025-2026 ուսումնական տարում նախադպրոցական կրթության մեջ ընդգրկված երեխաների թիվը շուրջ 91 000 է: Տվյալներն ըստ մարզերի՝ հասանելի են https://reports.emis.am/#/preschools-manual-reports հղմամբ: Նախադպրոցական հաստատություններ չհաճախած երեխաների թվի մասին տեղեկատվություն ստանալու համար անհրաժեշտ է դիմել ՀՀ վիճակագրական կոմիտե»:
Պաշտոնական վիճակագրական տվյալների համաձայն՝ նախադպրոցական տարիքի (մինչեւ 6 տարեկան) երեխաների ընդհանուր թիվը Հայաստանում կազմում է շուրջ 236 հազար երեխա: Անցած ուստարում նախադպրոցական տարիքի շուրջ 236 հազար երեխայից 91 հազարն է նախադպրոցական կրթության մեջ ընդգրկված եղել, այսինքն` մանկապարտեզ հաճախել: Դա նշանակում է, որ շուրջ 145 հազար երեխա զրկված է եղել այդ կրթությունից։