Ամոթի օր է այսօր

Fri, 07 Aug 2026 13:22:43 +0400

«Ուժեղ Հայաստան» խմբակցության պատգամավոր Մարիաննա Ղահրամանյանը Ազգային ժողովում ունեցած ելույթում քննադատեց Էջմիածնում տեղի ունեցող գործընթացները՝ դրանք որակելով որպես ամոթալի և աննախադեպ երևույթ։

Նրա խոսքով՝ ստեղծված իրավիճակում դատական գործընթացի կենտրոնում է հայտնվել Ամենայն հայոց կաթողիկոսը, ինչը, ըստ պատգամավորի, անթույլատրելի է և լուրջ հարված է Հայ առաքելական եկեղեցու հեղինակությանը։

Ղահրամանյանը նաև ընդգծեց, որ տեղի ունեցողը, իր գնահատմամբ, միջամտություն է ոչ միայն եկեղեցու ինքնուրույն գործունեությանը, այլև հակասում է Հայաստանի Հանրապետության Սահմանադրության սկզբունքներին։ Նա հիշեցրեց, որ Սահմանադրությամբ ամրագրված է՝ պետական իշխանությունը չի կարող միջամտել եկեղեցու ներքին գործերին, քանի որ եկեղեցին պետությունից անջատ կառույց է։