Կոլումբիացի աշխարհահռչակ երգչուհի Շակիրան նոր դպրոցներ կկառուցի իր հայրենիքի՝ երկրաշարժից ամենից շատ տուժած շրջաններում։ Այս մասին հայտնում է El Tiempo թերթը։ Երգչուհին մեկնել է Կիբդո քաղաք, որտեղ այցելել է երկրաշարժից ավերված կրթական հաստատություններ, հանդիպել դպրոցականների հետ։ Շակիրան նաեւ ցանկություն է հայտնել գումար հատկացնել Չոկոյի տեխնոլոգիական համալսարանի վերականգնման համար։ Գումարը տրամադրվելու է երգչուհու Pies Descalzos հիմնադրամից։ Նա բարեգործական իր քայլերը կիրականացնի մարդասեր Հովարդ Բաֆեթի հետ միասին։ Օգոստոսի 10-ին տեղի ունեցած 7,4 մագնիտուդ ուժգնությամբ երկրաշարժի հետեւանքով զոհվել է 289 մարդ, վիրավորվել 4187 մարդ, 142 մարդ համարվում է անհետ կորած։ Ավերվել է 26 945 տուն, վնասվել 127 557 շենք եւ շինություն։