Զելենսկին պետական բարձրագույն պարգև է շնորհել Իլոն Մասկին

Wed, 26 Aug 2026 15:30:40 +0400

Ուկրաինայի նախագահ Վլադիմիր Զելենսկին ստորագրել է ամերիկացի ձեռնարկատեր և ինժեներ Իլոն Մասկին Ազատության շքանշանով պարգևատրելու հրամանագիր։

Համապատասխան հրամանագիրը՝ թիվ 835/2026, հրապարակվել է օգոստոսի 26-ին։

Փաստաթղթի համաձայն՝ Մասկը պարգևատրվել է «մարդկային կյանքի և ազատության պաշտպանության, ինչպես նաև Ուկրաինայի և Ամերիկայի Միացյալ Նահանգների ժողովուրդների միջև հարաբերությունների զարգացման գործում ունեցած ակնառու անձնական նվաճումների համար»։

Հրամանագրում Մասկը նշված է որպես ձեռնարկատեր, ինժեներ և SpaceX-ի և Tesla-ի գործադիր տնօրեն։

Ազատության շքանշանը Ուկրաինայի բարձրագույն պետական ​​պարգևներից մեկն է։ Հրամանագիրն ուժի մեջ է մտել 2026 թվականի օգոստոսի 26-ին։