Հզոր ցեխահոսը վայրկյանների ընթացքում շպրտել է մեքենաները․ զոհեր կան

Wed, 26 Aug 2026 17:30:51 +0400

Չինաստանի և Նեպալի միջև սահմանին գտնվող Գիրոնգ սահմանային անցակետում հզոր ցեխահոս է տեղի ունեցել։

Տեսախցիկները ֆիքսել են սահմանային անցակետը վայրկյանների ընթացքում ծածկող ցեխի և աղբի հեղեղը, որը տարբեր կողմեր է շպրտել մեքենաներն ու ավտոբուսները։

Նախնական տվյալներով՝ զոհվել է 8-ից 16 մարդ, իսկ հարյուրավորները համարվում են անհետ կորած, այդ թվում՝ 291 օտարերկրյա քաղաքացի։

Չինական կողմից վնասվել են ճանապարհներ, էլեկտրահաղորդման գծեր և կապի գծեր։ Չինաստանի նախագահ Սի Ծինփինը հրամայել է սկսել լայնածավալ որոնողա-փրկարարական գործողություններ։

Աղետը ազդել է նաև Նեպալի հիդրոէլեկտրակայանների ոլորտի վրա՝ վնասվել է մոտ 430 ՄՎտ հզորություն, որը կազմում է երկրի ընդհանուր հիդրոէլեկտրակայանների հզորության մոտ 12%-ը։