Իլոն Մասկի ընկերությունը նոր տիեզերակայան կկառուցի

Thu, 27 Aug 2026 22:30:12 +0400

Իլոն Մասկի SpaceX ընկերությունը հայտարարել է ԱՄՆ Լուիզիանա նահանգում մեծ չափեր ունեցող նոր տիեզերակայան կառուցելու մասին։ Տիեզերակայանը կունենա Starbase Louisiana անվանումը։ Այն կլինի SpaceX-ի՝ թվով հինգերորդ տիեզերակայանը։ Նախագծի արժեքը կազմում է 100 միլիարդ դոլար։ Համապատասխան պայմանագիրը նահանգային իշխանությունների հետ արդեն ստորագրվել է։ Նահանգի պատմության մեջ այն կդառնա խոշորագույն նմանատիպ նախագիծը։

Կառուցման աշխատանքները կմեկնարկեն 27 թվականին։ Առաջին փորձարարական թռիչքը կիրականացվի 29 թվականին։ Տիեզերակայանը լիարժեք կսկսի գործել 2030 թվականին։ Տիեզերակայանը կունենա արբանյակների եւ հրթիռների արձակման հինգ մեկնարկային հարթակ, էլեկտրակայան, խորջրյա նավահանգիստ, որով սարքավորումները ծովային ճանապարհով կհասցվեն շինհրապարակ, օդանավակայան, բնակելի թաղամասներ՝ աշխատակիցների եւ նրանց ընտանիքների համար։