Նոր խցանումներ․ «Լամբադա» կամրջի վերին հատվածը փակ է

Thu, 10 Sep 2026 11:55:48 +0400

Երևանում երթևեկության հետ կապված խնդիրներ են առաջացել «Լամբադա» կամրջի վերին հատվածի ժամանակավոր փակման հետևանքով։

Կամրջի տվյալ հատվածի փակ լինելու պատճառով վաղ առավոտից խոշոր խցանումներ են ձևավորվել Կոմիտասի պողոտայում և դրան հարակից փողոցներում։

Ավելի վաղ քաղաքապետարանից տեղեկացրել էին, որ հիմնանորոգման աշխատանքներով պայմանավորված՝ սեպտեմբերի 10-ից մինչև նոյեմբերի 1-ը երթևեկության համար փակ կլինի Կոմիտասի պողոտա–Դավիթ Անհաղթի փողոց ուղեանցը՝ «Լամբադա» տրանսպորտային հանգույցի վերին հատվածը։