Քննարկել են Հարավ-Կովկասյան իրադրությունը

Thu, 10 Sep 2026 18:00:00 +0400

Ռուսաստանի եւ Թուրքիայի արտաքին քաղաքական գերատեսչությունները քննարկում են ունեցել, որի ընթացքում անդրադարձել են Հարավային Կովկասում տիրող իրադրուըթյանը, Կենտրոնական Ասիայի երկրների հետ գործակցության զարգացմանը, ինչպես նաեւ՝ Ռուս-Ուկրաինական հակամարտությանը։ Այս մասին հայտնում է ՌԴ ԱԳՆ-ն։ Թուրքական կողմից քննարկմանը մասնակցել է դեսպան Մեհմեդ Սամսարը, ռուսական կողմից՝ Միխայիլ Գալուզինը։

Քննարկումների ընթացքում արձանագրվել է, որ անթույլատրելի է արտաքին ցանկացած նախաձեռնություն, որը կարող է Հարավային Կովկասում եւ Կենտրոնական Ասիայում ստեղծել նոր բաժանարար գծեր։ Այդ համատեքստում կարեւորվել են «3+3» ռեգիոնալ համագործակցության հարթակի ուղղությամբ աշխատանքների շարունակումը, որպես հեռանկարային մեխանիզմ՝ «ռեգիոնալ պատասխանատվության» սկզբունքի հիման վրա ռեգիոնում անվտանգությունն ու կայունությունը ապահովելու համար։