Ուր են անհետացել տիրադավները

Sat, 19 Sep 2026 13:45:22 +0400

Տեւական ժամանակ է Նիկոլ Փաշինյանի շահերի սպասարկման տիրույթ անցած բարձրաստիճան հոգևորականների փոքր խմբակը չի երեւում` ընդհատակ է անցել: «10 տիրադավներն» այլեւս հայտարարություններ չեն անում, նրանց շրջանակը չի ընդլայնվում, Վայոց Ձորի թեմի առաջնորդը կամովին հեռացավ, Արագածոտնի թեմի առաջնորդին Վեհափառը պաշտոնանկ արեց, մյուսները չեն երեւում, չեն խոսում: Բայց նախորդ տարի պահանջում էին Վեհափառի հեռացումը, անգամ գնում է Մայր Աթոռ` տեղում Վեհափառին գահընկեց անելու, իսկ Նիկոլ Փաշինյանը խոստանում էր կարճ ժամանակում «դուրս բերել վեհափառին վեհարանից»: Մեզ պատմեցին, որ տիրադավները Փաշինյանի հետ էլ հանդիպումներ, քննարկումներ չեն ունենում, և ինչպես ժողովուրդն է ասում` իրենց վատությունը մնաց իրենց:

Մենք փորձեցինք զրուցել այս խմբակի անդամներից մեկի` Արցախի թեմի առաջնորդ Վրթանես եպիսկոպոս Աբրահամյանի հետ, հետաքրքրվեցինք` ե՞րբ են վերջին անգամ տիրադավներով հավաքվել ու ի՞նչ հարցեր են քննարկել:
Աբրահամյանը միանգամից ասաց, որ հարցազրույց տալ չի ցանկանում, և հավելեց, որ իրեն ոչինչ չի հետաքրքրում այլևս: