Այսօր խաղում է Հայաստանի հավաքականը

Fri, 02 Oct 2026 14:15:08 +0400

Հայաստանի ֆուտբոլի ազգային հավաքականն այսօր՝ հոկտեմբերի 2-ին, Ազգերի լիգայի 2026/27 մրցաշրջանի խմբային փուլի երրորդ տուրում արտագնա խաղում կմրցի Կիպրոսի ընտրանու դեմ։

Հանդիպումը կկայանա Նիկոսիայի GSP մարզադաշտում և կմեկնարկի Հայաստանի ժամանակով ժամը 20:00-ին։

Հայաստանն ընդգրկված է C լիգայի C2 խմբում, որտեղ մրցակիցներն են Չեռնոգորիան, Լատվիան և Կիպրոսը։

Հայաստանի հավաքականը մրցաշարը սկսել է Լատվիայի նկատմամբ հաղթանակով։ Սեպտեմբերի 25-ին Երևանում կայացած խաղում Հայաստանի թիմը հաղթել է 2:0 հաշվով։

Երկրորդ տուրում Հայաստանի հավաքականը սեփական հարկի տակ ընդունել է Չեռնոգորիային։ Սեպտեմբերի 28-ին կայացած հանդիպումն ավարտվել է 2:3 հաշվով՝ Հայաստանի պարտությամբ։

Երկու խաղից հետո Հայաստանի հավաքականն ունի 3 միավոր։

Կիպրոսի ընտրանին մրցաշարը սկսել է Չեռնոգորիայից կրած 1:2 հաշվով պարտությամբ։ Երկրորդ տուրում Կիպրոսը 0:0 հաշվով ոչ-ոքի է խաղացել Լատվիայի հետ և ներկայում ունի 1 միավոր։