Անհայտ կորած անձանց հարցը Ադրբեջանի և ՀՀ-ի խաղաղության գործընթացի մաս է․ Չավուշօղլու

Thu, 08 Oct 2026 09:37:18 +0400

Թուրքիայի խորհրդարանի անդամ, նախկին արտգործնախարար Մևլութ Չավուշօղլուն Բաքվում մասնակցել է «Անհայտ կորած անձանց հարցերով 4-րդ միջազգային համաժողովին»։ Չավուշօղլուն այս մասին գրառում է արել «X»-ի էջում։

«Մենք ընդգծել ենք, որ անհետ կորած անձանց հարցը քաղաքական չէ, այլ, առաջին հերթին, մարդասիրական հարց է, և որ ընտանիքների վրա կենտրոնացած, վստահության ու համագործակցության վրա հիմնված ջանքերը կնպաստեն մնայուն խաղաղության հաստատմանը»,- նշել է նա։

Նրա բնորոշմամբ, անհայտ կորած անձանց հարցը Ադրբեջանի և Հայաստանի միջև խաղաղության գործընթացի բաղկացուցիչ մաս է և շարունակում է մնալ արդիական։