Ղարաբաղյան հարցի մասին ի՞նչ է ասել Կադիրովը Ալիևին Բաքվում
Sat, 10 Oct 2026 16:44:16 +0400
Հոկտեմբերի 10-ին Ադրբեջանի նախագահ Իլհամ Ալիևը Բաքվում ընդունել է Չեչնիայի Հանրապետության նախագահ Ռամզան Կադիրովին, հայտնում են ադրբեջանական ԶԼՄ-ները։
Հանդիպման ժամանակ Ալիևը նշել է երկու ժողովուրդների միջև եղբայրական հարաբերությունները, ինչպես նաև ընդգծել, որ երկու կողմերն էլ ցուցաբերում են համերաշխություն, բարեկամություն և համագործակցություն։
Իր հերթին, Կադիրովը իր այցը բնութագրել է որպես այցելություն եղբայրներին, այլ ոչ թե հարևաններին։
«Ես կրկին ցանկանում եմ իմ խորին ցավակցությունը հայտնել ողջ չեչեն ժողովրդի և իմ անունից՝ 2024 թվականի դեկտեմբերին Բաքու-Գրոզնի ինքնաթիռի վթարի կապակցությամբ։ Սա մեր ընդհանուր ցավն է», – ասել է Չեչնիայի ղեկավարը։
Կադիրովը նաև շնորհավորել է ադրբեջանական ժողովրդին «ղարաբաղյան հարցի լուծման կապակցությամբ և վստահություն հայտնել, որ տարածաշրջանում կպահպանվեն խաղաղությունն ու կայունությունը»։