Հայաստանի ամենաերկարակյաց պաշտոնյան եւ նրա ունեցվածքը

Mon, 19 Oct 2026 20:45:03 +0400

1998-2000 թթ. ՀՀ վիճակագրության, պետական ռեգիստրի և վերլուծության նախարար, ապա Ազգային վիճակագրական ծառայության, իսկ 2018թ-ի մայիսի 21-ից ՀՀ վիճակագրական կոմիտեի նախագահ Ստեփան Մնացականյանը իր գույքի եւ եկամուտների մասին հայտարարագրում Աջափնյակում գտնվող մեկ հողամաս է հայտարարագրել, որի 1/20-րդ մասի սեփականատերն է, որը նվեր է ստացել 2020թ-ին։ Նա բանկում ունեցել է 17 հազար դոլար եւ 15 մլն դրամ ավանդ, իսկ բանկային հաշիվների մնացորդը կազմել է 3 հազար 825 դոլար, 9 մլն 172 հազար դրամ։ Մնացականյանի ունեցած կանխի դրամը կազմել է 6 հազար եվրո, 22 հազար դոլար ու 2 մլն 500 հազար դրամ։ Նրա եկամուտները կազմել են 21 մլն 959 հազար դրամ, որից 828 հազար դրամը գոյացել է կենսաթոշակից, 3 մլն 572 հազար դրամը՝ եկամտահարկի վերադարձից, իսկ մնացածը՝ աշխատավարձից։ Նա հիպոտեկային վարկով հողամաս է ձեռք բերել, որի մնացորդը կազմել է 53 մլն դրամ։ Նրա կինը՝ Սրբուհի Հովհաննիսյանը հայտարարագրել է Երևանի Կենտրոն վարչական շրջանում գտնվող բնակարան, որը ժառանգություն է ստացել 2001թ-ին։ 15 մլն դրամ բանկային ավանդ եւ 1 մլն 957 հազար դրամ բանկային հաշվի մնացորդ է հայտարարգրել, իսկ կանխիկ գումարը կազմել է 350 հազար դրամ եւ 2 հազար դոլար։ Եկամուտը կազմել է 454 հազար դրամ, որը գոյացել է կենսաթոշակից։

Այս հայտարարագրից կարելի է հասկանալ, թե ինչու է Ստեփան Մնացականյանը Հայաստանի ամենաերկարակյաց պաշտոնյաներից մեկը: Պատճառը ոչ միայն վիճակագրական թվերը մշտապես տվյալ պահին գործող իշխանությունների ճաշակով «նկարելն» է, այլեւ այն զգուշությունը, որով պաշտոնյան մոտենում է իր հայտարարագրերին եւ ունեցվածքը ձեւակերպելուն: