Apple-ն արգելափակել է ֆրանսիացի ցուցարարների կողմից գողացված iPhone-ները

Thu, 22 Oct 2026 12:30:23 +0400

Լիլ քաղաքում ամերիկյան Apple ընկերության խանութից գողացված iPhone-ներն արգելափակվել են։

Այս մասին հայտնել է ֆրանսիական BFMTV հեռուստաալիքը։

Սոցիալական ցանցերից մեկի օգտատերը տեսանյութ է հրապարակել, որտեղ ցուցադրվում է գողացված iPhone-ի էկրանը՝ հետևյալ գրությամբ.

«Վերադարձրեք այս սարքը Լիլի Apple խանութ։ Այս սարքը արգելափակված է և հսկվում է։ Տեղական իշխանությունները կտեղեկացվեն»։

Այս անվտանգության միջոցառումները վերաբերում են նաև Samsung, Google Pixel, Xiaomi և Honor սարքերին։