Apple-ը Գերմանիայի քաղաքական գործիչներին զգուշացրել է iPhone-ների կոտրման մասին

Mon, 02 Nov 2026 22:23:18 +0400

Apple-ը Գերմանիայի քաղաքական գործիչներին զգուշացրել է iPhone-ների կոտրման մասին: Bild-ի տվյալներով՝ հարձակումը թիրախավորել է Գերմանիայի քաղաքական բարձր շրջանակներին։

Ենթադրյալ թիրախների թվում են Բունդեսթագի պատգամավորներն ու դաշնային կառավարության անդամները։

Հաքերները, ենթադրաբար, iPhone-ներում տեղադրել են Mercenary Spyware լրտեսական ծրագիրը։ Այն հնարավորություն է տալիս հասանելիություն ստանալ նամակագրությանը, կոնտակտներին, օրացույցին և աշխարհագրական տեղադրությանը, ինչպես նաև գաղտնի կերպով միացնել խոսափողն ու տեսախցիկը։

Գերմանիայի թվայնացման նախարար Կարստեն Վիլդբերգերը հաստատել է, որ ստացել է կոտրման վերաբերյալ ծանուցում, սակայն մանրամասներ չի հայտնել։