Շոյգուն խոստովանել է Երևանի ու Բաքվի հարաբերությունների դրական հետևանքները

Mon, 09 Nov 2026 21:02:37 +0400

Հարավային Կովկասում իրավիճակը բարելավվում է, և դրանում կարևոր դեր է խաղում Հայաստանի և Ադրբեջանի միջև հարաբերությունների կարգավորումը։

Այս մասին հայտարարել է Ռուսաստանի Անվտանգության խորհրդի քարտուղար Սերգեյ Շոյգուն։

«Հարավային Կովկասում իրավիճակը բարելավվում է Հայաստանի և Ադրբեջանի միջև հարաբերությունների կարգավորման, ինչպես նաև Վրաստանի՝ իր ազգային շահերը պաշտպանելու հանձնառության շնորհիվ», – ասել է նա Մոսկվայում կայացած ԱՊՀ Անվտանգության խորհրդի քարտուղարների 14-րդ տարեկան նիստում։

Շոյգուն ընդգծել է, որ 2024 թվականին Վրաստանի իշխանությունները գործնականում կանխել են արևմտամետ ընդդիմության կողմից նախաձեռնված պետական ​​հեղաշրջումը։

«Ես ընդգծում եմ, որ տարածաշրջանային խնդիրները պետք է լուծվեն քաղաքական և դիվանագիտական ​​միջոցներով՝ առանց արտաքին երկրների միջամտության», – ընդգծել է Ռուսաստանի Անվտանգության խորհրդի քարտուղարը։