Իրանից մտահոգիչ լուրեր են ստացվում․ պատերազմ է

Sun, 15 Nov 2026 14:00:05 +0400

Բահրեյնի ՀՕՊ-ը Իրանի հարձակման ժամանակ մի քանի օդային թիրախներ է որսացել, հաղորդել է Թագավորության Պաշտպանության ուժերի գլխավոր հրամանատարությունը։

Զինվորական հրամանատարությունը հայտարարության մեջ նշել է, որ ՀՕՊ համակարգերը «հետ են մղել Իրանի մի քանի դավաճանական օդային հարձակումներ», որսացել և ոչնչացրել են օդային թիրախները, նախքան դրանք կհասցնեին հարվածել։

Նոյեմբերի 15-ի առավոտյան Բահրեյնի Ներքին գործերի նախարարությունը երկու անգամ զգուշացրել է բնակիչներին հնարավոր սպառնալիքի մասին և կոչ է արել նրանց ապաստան գտնել անվտանգ վայրերում։

Իրանական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանում) ուժերը վեց անօդաչու թռչող սարք են օգտագործել Բահրեյնի Ալ-Ռիֆա ուղղաթիռային բազայում գտնվող ամերիկյան ռադարային կայանի վրա հարձակվելու համար։

«ԱՄՆ բանակի բացահայտ ագրեսիային վճռական և ջախջախիչ պատասխանի երկրորդ փուլում Բահրեյնի Ալ-Ռիֆա ուղղաթիռային բազայում գտնվող ԱՄՆ պաշտպանական ռադարային կայանը հարձակման է ենթարկվել Իսլամական հեղափոխության պահապանների կորպուսի ավիատիեզերական ուժերի վեց անօդաչու թռչող սարքերի կողմից», – ասվում է հայտարարության մեջ։

Իրանական կողմի տվյալներով՝ անօդաչու թռչող սարքերը ճշգրիտ հարվածել են իրենց նախատեսված թիրախներին, և պայթյունների ձայներ են լսվել Բահրեյնի տարբեր շրջաններում։

ԻՀՊԿ-ն նաև հայտարարել է ԱՄՆ գործողության ձախողման մասին, որը իրականացվել էր Հորմուզի նեղուցով նավթի փոխադրումների ուղեկցման պատրվակով։

Իրանական զինվորականները ընդգծել են, որ Հորմուզի նեղուցը մնում է փակ, և ԱՄՆ ցանկացած ռազմական միջամտություն կարժանանա ավելի կոշտ պատասխանի։