Երեքշաբթի , 17 Նոյեմբերի 2026

ԿԳԲ-ի պադվալները լցնելու հայտարարությունը հենց այս ամբիոնից է եղել

ԿԳԲ-ի պադվալները լցնելու հայտարարությունը հենց այս ամբիոնից է եղել

Mon, 16 Nov 2026 12:37:08 +0400


Ազգային ժողովում մեկնարկել են «Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները» թեմայով խորհրդարանական լսումները։

Լսումների ընթացքում զեկույցով հանդես է եկել ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ Լիլիթ Գալստյանը։

Նրա խոսքով՝ Հայաստանի օրենսդրությամբ և միջազգային կոնվենցիաներով մարդու իրավունքների պաշտպանությունն ու երաշխիքները ձևականորեն ապահովված են, սակայն իրականությունը բոլորովին այլ պատկեր է ներկայացնում։
Գալստյանը ժողովրդավարության առանցքային չափանիշներ է համարել պետական կառույցների անկախությունը և օրենքի գերակայությունը։ Նրա գնահատմամբ՝ այդ չափանիշների համադրությունը Հայաստանում ստեղծված իրավիճակի հետ վկայում է իշխանության կենտրոնացման և ավտորիտար կառավարման համակարգի ձևավորման մասին։

«Դե-ֆակտո բախվում ենք մեկ մարդու, մեկ քաղաքական ուժի ձեռքում կենտրոնացված ավտորիտար ռեժիմի հետ, ուր իշխանության ճյուղերի միջև հավասարության և փոխադարձ վերահսկելիության սահմանները պարզապես ջնջվել են, ինչպես ջնջվել են կամ հատվել բոլոր կարմիր գծերը»,- հայտարարել է նա։

Հանձնաժողովի նախագահը նաև ընդգծել է, որ խորհրդարանական ամբիոնից բազմիցս հնչել են ընդդիմության ներկայացուցիչների նկատմամբ բռնության և հետապնդումների կոչեր։ Որպես օրինակ՝ նա հիշատակել է ընդդիմադիրներին ԿԳԲ-ի նկուղները լցնելու և պարանով կախելու մասին հայտարարությունները։

Գալստյանի խոսքով՝ Հայաստանի ժողովրդավարական հետընթացի մասին արձանագրումներ են արել նաև միջազգային մի շարք իրավապաշտպան կազմակերպություններ։ Նա անդրադարձել է նաև կոռուպցիայի դեմ պայքարին՝ նշելով, որ այդ ուղղությամբ նույնպես արձանագրված առաջընթացը բավարար չէ։

Զեկույցում հանձնաժողովի նախագահը ներկայացրել է մարդու իրավունքների խախտումների տարբեր դրսևորումներ՝ առանձնացնելով լրագրողների և քաղաքական ընդդիմադիր գործիչների իրավունքների ոտնահարման դեպքերը։ Նրա պնդմամբ՝ այդ խախտումների զգալի մասի պատասխանատուն իշխանության ներկայացուցիչներն են։

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Վաղը իշխանության չեք լինելու, դրա մասին մտածեք

Վաղը իշխանության չեք լինելու, դրա մասին մտածեք Tue, 17 Nov 2026 12:33:18 +0400 «Ուժեղ Հայաստան» …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով