Պարետային ժա՞մ կսահմանվի

Mon, 19 Oct 2026 17:45:32 +0400

Ֆրանսիայի իշխանությունները շարունակվող անկարգությունների պայմաններում պատրաստվում են սահմանափակել քաղաքացիների տեղաշարժը երկրի առանձին շրջաններում։ Վարչապետ Սեբաստիեն Լըկորնյուն դեպարտամենտների պրեֆեկտներին հանձնարարել է անհրաժեշտության դեպքում սահմանել մասնակի պարետային ժամ։

Որոշման մասին վարչապետը հայտնել է անկարգությունների հետ կապված իրավիճակը քննարկելու նպատակով հրավիրված ճգնաժամային շտաբի նիստից հետո։ Նրա խոսքով՝ սահմանափակումները չեն տարածվի ամբողջ երկրի վրա, այլ կկիրառվեն միայն այն տարածքներում, որտեղ դրա անհրաժեշտությունը կառաջանա։

Լըկորնյուն նշել է, որ միջոցառումների իրականացման հարցում տեղական իշխանություններին հնարավորություն կտրվի գործել՝ հաշվի առնելով յուրաքանչյուր շրջանի իրավիճակը։ Ներքին գործերի նախարարությունը հետագայում կներկայացնի այն տարածքների քարտեզը, որտեղ կգործի պարետային ժամի ռեժիմը։