Ախպոր պես, փոսերը մի լցրեք, խաղ ենք խաղում

Mon, 06 Apr 2026 12:14:37 +0400

Երևանի քաղաքապետ Տիգրան Ավինյանը դժգոհություն է հայտնել մայրաքաղաքում իրականացվող փոսալցման աշխատանքների ընթացքից՝ նշելով, որ վերջին շրջանում դրանց տեմպը զգալիորեն նվազել է։

Քաղաքապետարանի քննարկման ժամանակ նա ընդգծել է, որ թեև փետրվարին աշխատանքները մեկնարկել էին բարձր ակտիվությամբ, այժմ նկատվում է պրոցեսի տեմպի ակնհայտ թուլացում:

Վերոնշյալի վերաբերյալ հրապարակումների մեկնաբանություններից պարզ է դառնում սակայն, որ երևանցիները դժգոհ են հենց Ավինյանից, հորդորում են ուրիշին չմեղադրել, երբ ինքդ հետևողական չես:

«Հեքիաթներ մի պատմեք, ինչքան ժամանակ էս վիճակն ա»,- նշել է օգտատերերից մեկը:

«Ախպոր պես մի սարքեք, խաղ ենք խաղում շրջանղելով»,- կատակել է մյուսը: