Հույս կա, որ Սամվել Կարապետյանն այսօր ազատ կարձակվի

Wed, 15 Apr 2026 12:46:10 +0400

«Ակնկալիքներն այսօր դատարանից այն է, որ Սամվել Կարապետյանին բաց թողնեն։ Դա իսկապես մեր մեծ ցանկությունն է, սակայն հայտնի է նաև, որ նման դեպքերում բազմիցս ենք առնչվել Նիկոլ Փաշինյանի վարած քաղաքականությանը։ Այդ վախերը մենք երեկ ևս տեսանք, այո, խոսքը հարուցված երկու նոր գործերի մասին է»,- այս մասին քիչ առաջ լրագրողների հետ զրույցում, Հակակոռուպցիոն դատարանի բակում, ասաց «Ուժեղ Հայաստանի» աջակիցներից Արման Պետրոսյանը։

«Բոլորս էլ հասկանում ենք, որ սա քաղաքական բռնաճնշումների հետևանքներ են։ Բայց, նորից եմ ասում, մենք հույս ունենք, որ այսօր Սամվել Կարապետյանը ազատ կարձակվի ու այդ ժամանակ մենք արդեն պայքարի մեջ կտեսնենք՝ ով է իրական հաղթողը լինելու հունիսի 7-ին»,- նշեց նա։