Երթևեկությունը կաթվածահար է. մարդիկ իջել են ավտոբուսներից

Fri, 17 Apr 2026 14:25:13 +0400

Երևանի Իսակովի պողոտայում իրականացվող ասֆալտապատման աշխատանքները լուրջ խոչընդոտներ են ստեղծել երթևեկության համար՝ առաջացնելով մեծածավալ խցանումներ։

Տարածված տեղեկությունների համաձայն՝ ճանապարհահատվածում շարժը գրեթե կաթվածահար է եղել, ինչի հետևանքով բազմաթիվ ուղևորներ ստիպված են եղել լքել հասարակական տրանսպորտը։ Համացանցում հրապարակված տեսանյութերում երևում է, թե ինչպես են մարդիկ ավտոբուսներից իջնում և իրենց ճանապարհը շարունակում ոտքով՝ փորձելով շրջանցել խցանումները։

Ստեղծված իրավիճակը զգալի անհարմարություններ է պատճառել քաղաքացիներին՝ հատկապես պիկ ժամերին, երբ երթևեկության ծանրաբեռնվածությունն առավել մեծ է։