Ծառուկյանն ասել է՝ ինչ է պատրաստվում գնել

Wed, 22 Apr 2026 17:15:28 +0400

UFC-ի թեթև քաշային կարգում բարձր դիրք զբաղեցնող հայ մարտիկ Արման Ծառուկյանը խոսել է իր ապագա ծրագրերի մասին՝ նշելով, որ չեմպիոնական գոտին նվաճելու դեպքում մտադիր է գնել անձնական ինքնաթիռ։

Նրա խոսքով՝ նման գնումը կարող է իրականություն դառնալ արդեն այս տարվա ընթացքում։ Ծառուկյանը նշել է, որ եթե ամռանը կարողանա դառնալ չեմպիոն, ապա օգոստոսին նախատեսում է ձեռք բերել ինքնաթիռ, իսկ հնարավոր է նաև դա անի իր ծննդյան օրը՝ հոկտեմբերի 11-ին։

Մարտիկը նաև հիշել է իր նախկին նպատակներից մեկը՝ երիտասարդ տարիքում ցանկացել է 30-ամյակին գնել Rolls-Royce Cullinan, սակայն այժմ իր առաջնահերթությունը փոխվել է, և նա կենտրոնացած է ավելի մեծ նպատակի վրա։