Թուրքիայի պետական արխիվներում կան մեծ թվով փաստաթղթեր հայերի մասին

Sat, 25 Apr 2026 11:30:28 +0400

Թուրք պատմաբան Ահմեթ Գյուրելը ներկայացրել է թուրք-հայկական հարաբերությունների մասին իր ուսումնասիրությունները՝ հիմնված օտար աղբյուրների վրա։

Հեղինակը նշում է, որ Թուրքիայի պետական արխիվներում առկա են մեծ թվով փաստաթղթեր, որոնք վերաբերում են հայերին, և դրանք հասանելի են հետազոտողների համար, փոխանցում է Ermenihaber-ը։

Պատմաբանի խոսքով՝ այդ նյութերը լայնորեն օգտագործվել են տարբեր հետազոտողների կողմից, սակայն թեմայի շուրջ առ այսօր միասնական գնահատական չի ձևավորվել։

Գյուրելը հայտնում է, որ տարիների ընթացքում օտար աղբյուրներից հավաքել է փաստաթղթեր և դրանց հիման վրա հրապարակել մի շարք գրքեր։ Նրա աշխատություններում ընդգրկված են հարյուրավոր փաստաթղթեր, որոնք վերաբերում են թուրք-հայկական հարաբերությունների տարբեր փուլերին՝ միջնադարից մինչև մեր օրերը։

Հեղինակի ներկայացմամբ՝ իր գրքերում անդրադարձ է արվում այն գործոններին, որոնք ազդել են հայ և թուրք ժողովուրդների հարաբերությունների վրա, ինչպես նաև ներկայացվում են տարբեր տեսակետներ՝ հիմնված օտար հեղինակների ուսումնասիրությունների վրա։

Գյուրելը նաև նշել է, որ իր աշխատությունները ներկայացրել է միջազգային հարթակներում՝ մասնակցելով գիտաժողովների Եվրոպայի տարբեր քաղաքներում։