Ռոնալդուն և Մեսսին կարող են եզակի ռեկորդ սահմանել

Tue, 19 May 2026 23:30:12 +0400

Կրիշտիանու Ռոնալդուն ընդգրկվել է Պորտուգալիայի հավաքականի վերջնական հայտացուցակում 2026 թվականի աշխարհի առաջնության համար, հայտարարել է ազգային ֆեդերացիան։

41-ամյա հարձակվողը կարող է պատմություն կերտել. Մեսսիի հետ միասին նա կարող է դառնալ առաջին խաղացողը, որը մասնակցել է վեց աշխարհի առաջնության։

Ռոնալդոն ութ գոլ է խփել աշխարհի առաջնության 22 խաղում։ Նրա մասնակցությամբ Պորտուգալիայի լավագույն արդյունքը 2006 թվականին չորրորդ տեղն էր, երբ նրանք բրոնզե մեդալի համար խաղում պարտվեցին Գերմանիային 3-1 հաշվով։ Վերջին աշխարհի առաջնությունում, որը տեղի ունեցավ 2022 թվականին, Պորտուգալիան քառորդ եզրափակիչում պարտվեց Մարոկկոյին՝ 1-0 հաշվով։

2026 թվականի աշխարհի առաջնությունը կանցկացվի Միացյալ Նահանգներում, Կանադայում և Մեքսիկայում հունիսի 11-ից հուլիսի 19-ը։ Պորտուգալիան խմբային փուլում կխաղա Ուզբեկստանի, Կոլումբիայի և Կոնգոյի Դեմոկրատական ​​Հանրապետության դեմ։