Հուլիսի 5-ին Հայաստանը նշում է Սահմանադրության օրը

Sun, 05 Jul 2026 10:45:47 +0400

Այսօր՝ հուլիսի 5-ին, Հայաստանի Հանրապետությունում նշում է Սահմանադրության օրը:

1995 թ. հուլիսի 5-ին անկախ Հայաստանի պատմության մեջ առաջին անգամ անցկացվեց համաժողովրդական հանրաքվե ՀՀ Սահմանադրության ընդունման նպատակով: Այն ընդունվեց գրեթե միաձայն:

Սահմանադրությամբ Հայաստանի Հանրապետությունը վերջնականապես հռչակվեց ժողովրդավարական, սոցիալական, իրավական պետություն, հստակորեն տարանջատվեցին իշխանության երեք ճյուղերի (օրենսդիր, գործադիր և դատական) գործառույթները:

Սահմանադրությամբ ամրագրվեցին մարդու և քաղաքացու իրավունքներն ու ազատությունները:

Անցած տարիներին երկրի հիմնական օրենքը երկու անգամ ենթարկվեց փոփոխությունների հանրաքվեների միջոցով․ առաջին անգամ այն հանրաքվեով փոխվել է 2005-ի նոյեմբերի 27-ին: Սահմանադրական վերջին փոփոխությունները տեղի են ունեցել 2015 թվականի դեկտեմբերի 6-ին: Ներկայումս գործող սահմանադրությունը բաղկացած է պրեամբուլայից (նախաբան) և տասնվեց գլուխներից[

Փոփոխությամբ Հայաստանը կառավարման կիսանախագահական մոդելից անցում կատարեց խորհրդարանական կառավարման մոդելի:

ՀՀ կառավարության 2013 թվականի հուլիսի 4-ի որոշմամբ հուլիսի 5-ը նշվում է ոչ միայն որպես Սահմանադրության, այլև պետական խորհրդանիշների օր: