Գլխուղեղի ուռուցք են հեռացրել արհեստական բանականության օգնությամբ

Fri, 28 Aug 2026 21:30:37 +0400

Մեծ Բրիտանիայում առաջին անգամ իրականացվել է եզակի վիրահատություն՝ գլխուղեղի չարորակ նորագոյացությունը հեռացվել է Արհեստական բանականության տեխնոլոգիայի կիրառմամբ։ Այս մասին հայտնում է Sky News-ը։ Բուժառուն եղել է տղամարդ, 48 տարեկան։ Հաղորդման մեջ ասվում է, որ վիրահատության ժամանակ իրական ժամանակային ռեժիմում կիրառվել են ԱԲ տեխնոլոգիաները՝ նորագոյացության մանրագույն մասնիկները հայտնաբերելու եւ հեռացնելու համար։ Տեխնոլոգիան գունանշել է այն գոտիները, որտեղ պետք է վիրաբույժները ուշադրություն դարձնեն՝ նորագոյացության հեռացման համար։ Մասնագետները սա համարում են բացառիկ իրադարձություն։