Պահանջում են ենթարկել պատասխանատվության

Thu, 24 Sep 2026 00:00:24 +0400

Հայտնի մոդել Սինդի Քրոուֆորդի որդուն՝ քսանյոթամյա Փրեսլի Գերբերին, ով մահացել էր օրեր առաջ՝ Սանտա-Մոնիկայի վերականգնողական կենտրոնում, բժիշկը նշանակած է եղել կետամին։ Այս մասին հայտնում է TMZ-ն։ Գերբերի մտերիմներն ու ընկերները զայրացած են այդ նշանակումից եւ կարծում են, որ այդ բժշկին պետք է ենթարկել պատասխանատվության։ Կետամինը կիրառվում է բժշկության մեջ։ Սակայն այն կարող է առաջացնել կախվածություն եւ կարող է հանգեցնել չարաշահման։ Ռիսկը հատկապես մեծ է այն մարդկանց համար, ովքեր թմրակախվածության խնդիր են ունեցել։

Գերդոզայավորումը, ինչպես նաեւ՝ համադրումը ալկոհոլի հետ, կարող է ունենալ վտանգավոր, նույնիսկ՝ մահացու ելք։Շատերը հիշել են դերասան Մեթյու Պերիի մահվան պատմությունը։ Նրան էլ կետամին են նշանակած եղել՝ տագնապային մտքերից եւ դեպրեսիայից ազատվելու համար։ Սակայն որոշ ժամանակ անց, նա այդ դեղամիջոցը սկսել է ստանալ կողմնակի անձանց միջոցով։