Եվրոպայի հանդեպ մոտեցումը մեղմացրել է

Mon, 09 Nov 2026 19:00:19 +0400

ԱՄՆ նախագահ Դոնալդ Թրամփի վարչակազմը որոշակիորեն մեղմացրել է վերաբերմունքը Եվրոպայի նկատմամբ՝ Ուկրաինական կարգավորման բանակցությունների օրակարգում ներառելով նաեւ համաեվրոպական անվտանգությանը վերաբերող հարցը։ Համաձայն առկա տեղեկությունների, առաջին անգամ բանակցություններում դրվելու է նաեւ համաեվրոպական անվտանգության հարցը եւ ոչ թե լոկալ հաշտության կամ այս կամ այն տարածքային փոփոխությունների խնդիրը։

Հիշեցնենք, որ նոյեմբերի վեցին, ԱՄՆ նախագահ Դոնալդ Թրամփը սոցկայքի իր էջում կատարած գրառմամբ նշել էր, որ կարծում է, որ պետք է ստեղծել եվրոպական անվտանգային այնպիսի ճարտարապետություն, որի արդյունքում ուկրաինական հակամարտության կարգավորումից հետո նոր հակամարտություն եվրոպական ցամաքում չծագեր։