Խամենեին բանակին արտոնեց՝ հարվածե՛լ առանց սահմանափակումների

Thu, 12 Nov 2026 14:00:46 +0400

Իրանի գերագույն առաջնորդ Մոջթաբա Խամենեին երկրի զինված ուժերին լիազորել է անհրաժեշտության դեպքում գործողություններ իրականացնել առանց աշխարհագրական սահմանափակումների։

Այս մասին հայտարարել է Իսլամական հեղափոխության պահապանների կորպուսի (ԻՀՊԿ) հրամանատարի ավագ խորհրդական Մոհամմադռեզա Նաղդին։

Նրա խոսքով՝ համապատասխան հրամանագիրը Իրանի զինվորականներին տալիս է գործողությունների լիակատար ազատություն՝ թշնամու հնարավոր գործողություններին արձագանքելու համար։

«Եթե թշնամին թույլ տա նույնիսկ ամենափոքր սխալը, զինված ուժերը կկարողանան համապատասխանաբար արձագանքել աշխարհի ցանկացած վայրում, որը նրանք անհրաժեշտ կհամարեն», – ընդգծել է Նաղդին։