Երեքշաբթի , 17 Նոյեմբերի 2026

Թույլ չենք տալու դա անել

Թույլ չենք տալու դա անել

Tue, 17 Nov 2026 12:20:56 +0400


Հայաստանի սահմանադրական փոփոխությունների շուրջ ձևավորվող օրակարգը, ըստ ԱԺ փոխնախագահ, «Ուժեղ Հայաստան» խմբակցության պատգամավոր Արամ Վարդևանյանի, պայմանավորված է արտաքին միջամտությամբ, մինչդեռ հասարակությունը բավարար չափով տեղեկացված չէ տեղի ունեցող գործընթացների մասին։

ԱԺ-ում լրագրողների հետ զրույցում Վարդևանյանը հայտարարել է, որ իրենց քաղաքական ուժի դիրքորոշումն այս հարցում միանշանակ է, և իրենք թույլ չեն տալու արտաքին պարտադրանքով որոշել Հայաստանի սահմանադրական օրակարգը։

Ընդդիմադիր պատգամավորի խոսքով՝ արդեն իսկ հրապարակային հայտարարություններ են հնչել, որոնք հաստատում են, որ Ադրբեջանի կողմից Հայաստանի Սահմանադրության փոփոխության հարցը ներկայացվում է որպես նախապայման։ Նա այս համատեքստում հիշատակել է ինչպես Հայաստանի արտգործնախարարի, այնպես էլ Նիկոլ Փաշինյանի հայտարարությունները։
Վարդևանյանի գնահատմամբ՝ միջազգային հարաբերություններում անընդունելի իրավիճակ է, երբ մի ինքնիշխան պետություն միջամտում է մեկ այլ ինքնիշխան երկրի սահմանադրական հարցերին՝ ընդհուպ պահանջելով փոփոխություններ կատարել դրա մեջ։
Նա նաև ուշադրություն է հրավիրել Ադրբեջանի Սահմանադրության նախաբանի վրա՝ ընդգծելով, որ այնտեղ ևս հղումներ կան անկախության հռչակագրերին, որոնց բովանդակությունը, իր գնահատմամբ, հակամարտություն հրահրող դրույթներ է պարունակում։ Մինչդեռ այդ հանգամանքը, պատգամավորի խոսքով, հանրային քննարկումների առարկա չի դառնում։

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

ԿԳԲ-ի պադվալները լցնելու հայտարարությունը հենց այս ամբիոնից է եղել

ԿԳԲ-ի պադվալները լցնելու հայտարարությունը հենց այս ամբիոնից է եղել Mon, 16 Nov 2026 12:37:08 +0400 …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով