Ուկրաինայի սարսափելի գիշերը․ զոհերի մեջ երեխա կա

Mon, 06 Apr 2026 14:30:21 +0400

Օդեսայի վրա ռուսական բանակի գիշերային հարձակման հետևանքով զոհվել է երեք մարդ, այդ թվում՝ մեկ երեխա։ Եվս 10 մարդ վիրավորվել է, որոնցից երկուսը ծանր վիճակում են, հայտնել է Օդեսայի մարզային ռազմական վարչակազմի ղեկավար Սերգեյ Լիսակը։

Ըստ Լիսակի՝ ծանր հիվանդներից մեկը գտնվում է նյարդավիրաբուժության բաժանմունքում, իսկ մյուսը՝ այրվածքների վերակենդանացման բաժանմունքում։ Եվս ութ վիրավորների վիճակը միջին է, այդ թվում՝ 2 տարեկան երեխա և 17 և 18 տարեկան դեռահասներ։

Քաղաքի Պրիմորսկի շրջանում վնասվել է բազմահարկ բնակելի համալիր և յոթ մասնավոր տուն։

Կիևի շրջանում էլ վնասվել է բազմահարկ շենք, հինգ մասնավոր տուն, մասնավոր նախադպրոցական հաստատություն, խանութ և 27 մեքենա։

Չեռնիգովի մարզում ռուսական հարձակման հետևանքով վնասվել են երկու էլեկտրակայաններ, ինչի հետևանքով հարյուր հազարավոր բաժանորդներ մնացել են առանց էլեկտրաէներգիայի։ Ամենամեծ անջատումները գրանցվել են Չեռնիգովում, Պրիլուկիում և մարզի երկու շրջաններում։

Տարածաշրջանային էլեկտրաէներգետիկ ընկերության տվյալներով՝ Նիժինի շրջանում վնասվել է կարևոր էլեկտրակայան։ Արդյունքում՝ Չեռնիգով և Պրիլուկի քաղաքներում, ինչպես նաև Չեռնիգով և Պրիլուկի մարզերում 340,000 բաժանորդներ մնացել են առանց էլեկտրաէներգիայի։