Իտալացի մաֆիոզ է ձերբակալվել

Mon, 06 Apr 2026 20:30:10 +0400

Ձերբակալվել է իտալացի ամենից վտանգավոր մաֆիոզներից մեկը՝ Ռոբերտո Մացարելան։ Նա 48 տարեկան է։ Մացարելան ձերբակալվել է ՆԳՆ կողմից՝ Ամալֆիայի ափամերփ շրջանում գտնվող թանկարժեք վիլլաներից մեկում։ Այս մասին հայտնում է RAI-ն։ Հայտնի է, որ նա կեղծ փաստաթղթերով է այդտեղ գրանցվել, որպեսզի կարողանա Ս․ Զատկի տոնն անցկացնել կնոջ ու երկու երեխաների հետ։ Ձերբակալությանը զուգահեռ՝ վիլլայում իրականացվել է խուզարկություն, որի ընթացքում հայտնաբերվել են լյուքս դասի ժամացույց, մոտ 20 հազար եվրո կանխիկ գումար, կեղծ փաստաթղթեր, սմարթֆոններ, ֆինանսական զեկույց եւ այլ փաստաթղթեր։

Մացարելան մեղադրվում է 2000 թվականին Նեապոլ քաղաքում Անտոնիո Մայոնեի սպանությունը պատվիրելու եւ հրահրելու մեջ։ Հայտնի է նաեւ, որ Մայոնեն սպանվել է «արյան վրեժի» արդյունքում։ Նա եղել է այն մարդասպանի եղբայրը, ով ժամանակին սպանել է Ռոբերտոյի հորը՝ Սալվատորե Մացարելային։ Ռոբերտո Մացարելայի հանցախումբը կամ կլանը, զբաղվում է փողերի լվացմամբ՝ Նեապոլում եւ մտնում է Կամորա մագիոզական խմբի մեջ։