Այսօր սա դարձել է իրական վտանգի աղբյուր բնակիչների համար

Mon, 13 Apr 2026 16:45:20 +0400

«Մայր Հայաստան» կուսակցության անդամ Սոնա Աղեկյանը իր ֆեյսբուքյան էջում հրապարակել է տեսանյութ և գրառում, որտեղ անդրադարձել է Շիրակի 8 հասցեում գտնվող շենքի նկուղային հատվածի վիճակին։

Նրա փոխանցմամբ՝ տվյալ նկուղը ոչ միայն չի համապատասխանում որպես ապաստարան օգտագործելու նվազագույն պայմաններին, այլև ներկայումս վերածվել է վտանգավոր տարածքի՝ բնակիչների համար։ Նա նշել է, որ տարածքում տիրում են հակասանիտարական պայմաններ, ուժեղ գարշահոտություն և ընդհանուր խիստ անբարենպաստ վիճակ, ինչի հետևանքով այնտեղ մուտք գործելն անգամ դժվար է պատկերացնել, առավել ևս՝ այն օգտագործել արտակարգ իրավիճակներում որպես ապաստարան։

Աղեկյանի գնահատմամբ՝ այս իրավիճակը վկայում է քաղաքացիների անվտանգության նկատմամբ անուշադրության մասին՝ քննադատելով իշխանության քաղաքական մոտեցումները։