Հունգարիան առաջին անգամ կարող է կույր նախարար ունենալ․ կանայք ևս շատ են

Fri, 24 Apr 2026 22:00:17 +0400

Հունգարիայի «Տիսա» ընդդիմադիր կուսակցության առաջնորդ Պետեր Մադյարը, որը հաղթեց ընտրություններում, երկրի պատմության մեջ առաջին անգամ կույր քաղաքական գործիչ Վիլմոշ Կատաի-Նեմետին նշանակել է սոցիալական և ընտանեկան հարցերի առաջին նախարար։

Այս մասին հայտնել է Bloomberg-ը։

Կատաի-Նեմետն այժմ պատասխանատու կլինի մատչելիության և հավասար հնարավորությունների համար։ Նա կորցրել է տեսողությունը 16 տարեկանում։

«Նրա նպատակն է ապահովել, որ յուրաքանչյուր քաղաքացի, անկախ ծննդավայրից կամ ծագումից, հասանելիություն ունենա բարձրորակ առողջապահությանը և կրթությանը», – ասել է Մադյարը։

Ապրիլի 24-ին, ուրբաթ օրը, Մագյարը նաև հայտարարել է, որ իր կաբինետում կներառվի կին կրթության նախարար։ Վերջին օրերին նա արդեն կանանց է առաջադրել խորհրդարանի խոսնակի, արտաքին գործերի նախարարի և իր «Տիսա» կուսակցության խմբակցության ղեկավարի պաշտոններում։